يېڭى جاۋابلار

ئىسلامدا جىمانىڭ ئەدەپلىرى كۆپ بولۇپ ئۇنىڭدىن: نىيەتنىڭ خالىس بولىشى، دەسلەپتە مۇلايىملىق بىلەن ئوينىشىش، ئەركىشى ئايالىغا يېقىنچىلىق قىلىدىغان ۋاقتىدا: «ئاللاھنىڭ ئىسمى بىلەن، ئى ئاللاھ! بىزنى شەيتاندىن يىراق قىلسىلا، بىزگە رىزىق قىلىپ بېرىدىغان نەرسىدىنمۇ شەيتاننى يىراق قىلسىلا»دەيدۇ. ئەر كىشى ئايالىغا جىنسى ئورنىنى مەقسەت قىلىپ قايسى شەكىلدە ۋە قايسى تەرەپتىن كەلسە بولىدۇ. ھەرقانداق ئەھۋالدا ئايالىنىڭ دۇبۇرىغا (ئارقا تەرىپىگە) يېقىنچىلىق قىلىشقا بولمايدۇ، ئىككى خەتنىگاھ ئۇچراشقاندا ياكى ئىككى خەتنىگاھ ئۇچراشمىسىمۇ مەنى چىقسا جۇنابەتتىن يۇيۇنۇش ۋاجىپ بولىدۇ، ئەر كىشى ئايالى بىلەن جىنسى مۇناسىۋەت قىلىپ بولۇپ يەنە تەكرار مۇناسىۋەت قىلماقچى بولسا، تاھارەت ئېلىۋېتىشى ياخشىدۇر.ئەرنىڭ ئايالىغا ھەيزدار ھالىتىدە يېقىنچىلىق قىلىشى ھارامدۇر. ئەر كىشى پەرزەنت بولۇشنى خالىمىسا، ئىسپىرمىنى سىرتقا چىقىرىۋەتسە بولىدۇ، ئەر-ئايال ئىككەيلەننىڭ مۇناسىۋەت جەريانىدا بولغان ئىشلارنى باشقىلارغا ئاشكارا قىلىۋېتىشى ھارام بولىدۇ.

1-ئىسلامدا ئايال بولۇش خورلۇق ئەمەس. 2-قۇرئان ئايەتلىرىدە ئوغۇللارنى دۇنيانىڭ زىننىتى دەپ سۈپەتلىگەن بولۇپ، بۇ ئىنسانلارنىڭ ئەمەلىيىتىدىن خەۋەر بېرىشتۇر، بۇنىڭدا ئوغۇل بىلەن پەخىرلىنىپ ئۇلارنى ياخشى كۆرۈپ قىزلارنى تۆۋەن كۆرۈش دېگەنلىك ئىپادىلەنمەيدۇ. 3-قىزلارنى خارلاش، ئېتىبارغا ئالماسلىق دېگەن ئىسلام ئەھلىنىڭ ئەخلاقى ئەمەس، بەلكى ئۇ جاھىلىيەت ئەھلىنىڭ ئەخلاقىدۇر. 4-ئاللاھ تائالانىڭ ئادەم ئەۋلادلىرىنى ئىكرام قىلىشى ئەرلەرنى ئۆز ئېچىگە ئالغاندەك، ئاياللارنىمۇ ئۆز ئېچىگە ئالىدۇ.