Ҷойи қабри Юнус (дуруди Аллоҳ бар ӯ бод) маълум нест

"Қабри пайғамбари Аллоҳ Юнус (дуруду паёми Аллоҳ бар ӯ бод) маълум нест ва ин сухан (ки қабраш дар Ироқ аст) дуруст нест. Дар ҳақиқат, қабрҳои ҳамаи паёмбарон маълум нестанд, ғайр аз қабри паёмбари мо (дуруду паёми Аллоҳ бар ӯ бод), ки дар хонааш дар шаҳри Мадина воқеъ аст. Ҳамчунин қабри Халил Иброҳим (дуруди Аллоҳ бар ӯ бод) маълум аст, ки дар ғор дар шаҳри Халил дар Фаластин ҷойгир аст. Аммо ғайр аз ин ду, аҳли илм баён кардаанд, ки қабрҳои дигар паёмбарон маълум нестанд. Ҳар касе иддао кунад, ки қабри Юнус дар Нинево ё дар ҷойи муайян аст — ин иддао асос надорад. Бояд инро донем ва агар (макони қабр) маълум ҳам мешуд, аз он баракат талабидан, ё аз он дуо хостан, ё барои он назр кардан ва ё дигар намудҳои ибодатро барои он анҷом додан ҷоиз намешуд, зеро ибодат ҳаққи танҳо Аллоҳ аст ва ҷоиз нест, ки ягон намуди ибодат барои ғайри Аллоҳ анҷом дода шавад — ба иҷмои тамоми мусалмонон". Поёни сухан.