Ҳангоми анҷом додани ҳиҷома қироати Қуръон, зикрҳои шаръӣ ва дуоҳои нақлшуда аз паёмбар (дуруду паёми Аллоҳ бар ӯ бод) ба чанд далел ҷоиз аст:
1. Руқия бо Қуръони Карим ва зикрҳои набавӣ амали шаръии мустаҳаб ба шумор меравад, хоҳ ҳамроҳ бо ҳиҷома анҷом дода шавад ва хоҳ ҷудо аз он ва мустақилона сурат бигирад.
2. Дар мавриди қироати Қуръон ва руқия ҳангоми ҳиҷома ҳеҷ гуна манъе ворид нашудааст. Аз ин рӯ, ҷоиз будани он бар асоси далолати умумии оятҳо ва ҳадисҳои марбут ба руқия бо Қуръон ва зикрҳо собит мегардад.
3. Бархе аз табибоне, ки дар бораи фоидаҳои ҳиҷома таҳқиқот анҷом додаанд, зикр кардаанд, ки таҷрибаҳо судмандии қироати Қуръон ва анҷом додани руқияро ҳангоми ҳиҷома барои бисёре аз беморон собит сохтаанд. Ин метавонад далели тасдиқкунандаи дурустӣ ва ҷоиз будани чунин амал бошад, зеро аҳли илм дар масъалаҳои тиб ва руқия бисёр вақт ба таҷрибаи судманд истинод мекунанд.
Барои маълумоти бештар дар бораи ҳиҷома, лутфан ба ду ҷавобе, ки дар сомонаи мо таҳти рақамҳои (14325) ва (21406) нашр шудаанд, муроҷиат кунед.
Аллоҳ донотар аст.