ئىنسان باشقىلارنىڭ خاتالىقى سەۋەبىدىن جازالانمايدۇ، ھەر بىر ئىنسان ئۆزىنىڭ قىلغان خاتالىقى سەۋەبىدىن جازالىنىدۇ، بۇ توغرىدا ئاللاھ تائالا مۇنداق دەيدۇ: ولا تَزِرُ وَازِرَةٌ وِزْرَ أُخرى تەرجىمىسى: «ھېچبىر گۇناھكار ئادەم بىراۋنىڭ گۇناھىنى ئۈستىگە ئالالمايدۇ»[سۈرە پاتىر 18-ئايەت].
لېكىن ئاتا-ئانا خاتالىق سادىر قىلغان بولسا، بۇ ئائىلىدىكىلەرنى بۇنىڭغا ئەگەشتۈرىدىغان ۋاسىتە بولىدۇ. ["شەيخ ئىبنى باز پەتىۋالار مەجمۇئەسى"2-توم 610-بەت].
لېكىن بەزى ۋاقىتتا خاتالىقنىڭ زىيىنى خاتالىق سادىر قىلغۇچىدىن ئائىلىسىدىكى بەزى كىشىلەرگە ئۆتۈپ كېتىدۇ، ئۇ كىشىگە جازا، ئائىلىسىدىكىلەرگە ئىمتىھان-سىناق بولىدۇ، ئاللاھ تائالا ئىنساننى خاتالىقىغا كاپارەت بولىشى ئۈچۈن تۈرلۈك مۇسىبەتلەر بىلەن سىنايدۇ، بەزى كىشىلەرنى نېمەت بىلەن سىنايدۇ. ئاللاھ تائالا مۇنداق دەيدۇ: ونَبْلوكُم بالشَّرِ والخيْرِ فتْنَة تەرجىمىسى: «سىلەرنى بىز يامانلىققا مۇپتىلا قىلىش، ياخشىلىق بېرىش ئارقىلىق سىنايمىز» [سۈرە ئەنبىيا 35-ئايەت].
ھەرقانداق ھالەتتە مۇسۇلمان ئۆزىگە ئاللاھنىڭ ئازابى چۈشۈپ قىلىشتىن ساقلىنىش ئۈچۈن گۇناھ-مەسىيەتلەردىن يىراق تۇرۇشى ۋاجىپ بولىدۇ.
ھەممىدىن توغرىنى ئاللاھ تائالا ياخشى بىلگۈچىدۇر.